Akilino Agerre'kuari

Zabaleta, Juan

 1

 Dibersiyoko lana

 gustatzen zait beti,

 argatikan bertsuak

 adiskide bati,

 mintzatuko natzaizu

 leyal ta egoki,

 ni zer naizen lenere

 berak sobra daki.

 2

 Errenterik saka

 pillota Errezilla

 ez pensa ausardiyan

 baizik broma billa,

 badakit zeradela

 lan ontan abilla,

 beragatik gaztia

 mintzatu dedilla.

 3

 Orain urte ta erdi

 edo bi inguru,

 ekusi nizuala

 ez nago seguru,

 alkarrekin sayua

 egiñak gera gu,

 gizonak bezelaxe

 leyal ta ondradu.

 4

 Ostatuan juntatu

 giñan arrats batez,

 zuri segitzen etzan

 orduantxen errez,

 Franzisko Ganborena

 mai buruan juez,

 ordu pare antxen

 pasa gendun parrez.

 5

 Etorri bikaiñeko

 bertsolari zuzena,

 zeñek berdinduko du

 zure almazena,

 arrituta utzi zuen

 ango jende dena,

 oraingo gaztietan

 zu zaude onena.

 6

 Aspaldi pentsatua

 zegon egun ta gau,

 lagunak esateko

 enkargatutzen nau,

 kantuko afiziyua

 galdu etzedin rau,

 argatik atera da

 Bertsolariya au.

 7

 Ordaindu nai banazu.

 zuk Bertsolariya'n

 dakizun bezelaxe

 euskera garbiyan,

 gure oitura ederra

 galdu ez dediyan,

 astero irtetzenda

 au Errenteriyan.

 8

 Gure oitura zarra

 ez dediyen galdu

 orra Bertsolariya

 astero azaldu,

 nik salta det emendik

 zuk ortikan ondu,

 bueltan zai egongo naiz

 lenbailen bialdu.