Zortzikoa

 Nekazariak maite

 Degu zortzikoa,

 Dantza beste lekutan

 Ez dan modukoa;

 Kanta biotz pozgarri

 Euskal errikoa,

 Plaza soñu egoki

 Denboretakoa.

 Emakumeak datoz

 Baratzgilleakin

 Apainduak soñeko

 Polit berriakin;

 Plazara dantzatzera

 Soñu ederrakin

 Eta gero echera

 Nor berearekin.

 Uda berriko dago

 Baratza gurea,

 Belar onak ugari

 Oparo lorea;

 Usaya chit gozoa,

 Eder kolorea,

 Indarrean sustraya,

 Berde landarea.

 Belar edo lorea

 Usai gozo, fiña,

 Ispligu albaraka,

 Arros, klabeliña;

 Bioleta, liriyo,

 Aleli, jazmiña,

 Dauzka gure baratzak

 Eziñ esan diña.

 Jateko alkachofak,

 Laranjak, limoyak,

 Melokotoi, aranak,

 Gingak, gereziyak;

 Illar, baba, baberrun,

 Matsa, marrubiyak,

 Esparragoa, azak,

 Lechuga, meloyak.

 Lore, berdura, fruta

 Esan ez dan asko

 Gure baratzan laster

 Dira agertuko;

 Beren sasoi denboran

 Diranak elduko,

 Eta oraiñ adiyo

 Emendik orduko.