Zitadela gora duxu
1
Zitadela gora duxu Donibane Garazin
Etxakin zonbat soldado han gure zain dagozin!
2
Garaziko aire hautak bizarra pusarazten:
Soldadoak freskatzerat usu hirirat jausten.
3
Guzien bizar-egile neska bat, Janamari:
Presuna seriosa zela entzun dixit orori.
4
Kapitain bat sartu duxu barbersaren botigan:
- Anderia, nahi nuke jarri horgo kadiran.
5
- Bizarra ala ilhea, zer behar dut edeki?
- Egun bizarra aski dut, egidazu polliki.
6
Kapitain jarri duxu bisaiaz mirailari:
Hari so, nabala pasten horra hor Janamari.
7
Matela salboinaturik kapitain gazteari,
Karra-karra hasi duxu bere nabal-lanari.
8
Bet-betan ikara batek hartua du barbersa:
Bisaia zuri-zuria, ageri du ez ontsa!
9
Ez daki neska gaixoak begiak nora makur:
- Zer zira bu, anderia, ene galoinen beldur?
10
- Ez, Jauna, ez nuzu beldur soldadoen galoinen,
Are gutiago segur kapitain prestu baten.
11
Ez duzu bada iduri hanbat zuhauren jabe:
Ez da nihor holakatzen deus arrazoinik gabe!
12
- Arrazoinak batuzketxu erraiten ez direnak;
Othoi barka dezadala ene jaun kapitaink.
13
- Zer nuzu ala, gaixoa, ni poxiño bat maite?
- Poxiño hori zonbat den aise aitor ez daite.
14
- Haurra, nahi zindukeia enekilan ezkondu?
- Zendako ez zuk enekin hala nahi bazindu?
15
Bizarra hortan utzirik, elgar aditu zuten
Lukuzerat ezkontzeko biak lehen bai lehen.
16
Kapitainak hartu zuen Janamari zaldian:
Lukuzen egin dukete bizi on jauregian.
17
Zidadelan daudenentzat, neskatxetan segurik,
Ez da bizar egilerik Janamariz geroztik.
18
Lukuztarrak zonbeit bertsu baitzituen merezi,
Kantu huntan orhoitzeko baditu hemezortzi.