Zezen gorria
Zezen Osina esirik alta
Otsogorrian hil zaigu barda,
gauaz zebilen mutil ausarta.
Bular hasean, gorri, bi zauri
ilargi adar bikun iduri,
etzanik hago gizon mutiri.
Zezen adarrak urre xirio
larru beltzetik odol dario,
guda-zezenak gura herio.
Lehen, gizonen zuzi piztea,
zezen izena oneriztea;
orain oroituz hotz eriztea.
Harpe hutsean orroaz ari,
Zezen Gorria norbait bilari
hel deia dagi sinesleari.
Zelai haritzen gerizan haurrak,
biltzen darraite bake ezkurrak
eta ikasten hamar gezurrak.
Aitonen haurrak daudelarik gor
Hegoalde saiak laguntza jankor
Ibarra gaindi zezena dator.