Zato
1
Kanpoan hotz da, barnean ere.
Bihotza trixte,
Gogoa ilun.
Hots; naiz esperantxarik gabe.
2
Hets leihoak!
Ez dezatan ikus kanpoa.
Ez ditzatan ikus jendeak,
Behiak, zaldiak, ardiak,
Antzara, oiloak.
Hets leihoak!
Ez dezatan gehiago,
Ikus zerua.
3
Nahi dut egon, geldirik,
Ilunpean
Begiak hetsirik.
beldurrez, ahalgez
So egiteko biziari!
4
Zer dut? Zer zaut gertatzen?
Zendako ez dut munduari behatzen?
Deus ez naiz, eta ainitz izan nahi
Kasurik egin gabe Jaungoikoari!
5
Zato, Jaun amultsua
Biziaren iturria.
Azkar dezazun ene fedea
Eta bero ene bihotza!
|