Ene Ameriketako ahaide zena
X.Y.
1
Ez dugu ez guk biek elgar ezagutzen
Ez girelakotz biak herrian bizitzen
Itsaso zabal horrek berex atxikitzen
Halere odol beraz kusiak aurkitzen.
2
Orai arte Mixeli dut izkiriatu
Egun aldiz zuri dut behar adrezatu
Hartaz bihotza baitzait doluan gertatu
Haren orroitzapenaz gaiten solastatu.
3
Hamazazpi urte du hemen izan zela
Etxeko ohantzea goxatzen zuela
Urte batez berritu penazko uspela
Gero berriz itzuli bere artzaintzala.
4
Beti ari ginen gu haren gomitatzen
Elgar ganatzeak du jendea goxatzen
Bainan bakotxa bere hartan errostatzen
Haren bidea naski holaxekoa zen.
5
Zu zira azken aldiz mintzatu Mixeli
Bainan doi bat laztua handikan itzuli
Gizon horren ederra nola zen itzali
Horrek omen zerautzun bihotza irauli.
6
Burrasoek emaiten serre munduari
Jarraik diten heikiek ereman sailari
Jainkoa ez da beti hortarikan ari
Moldatu behar dugu haren erranari.
7
Hil-eta laster baita jujetan aurkitu
Etzitaken harentzat sobera gaztigu
Juje eztia zaio Jainkoa agertu
Bere eskuin aldean emanez jarleku.
8
Izana du denetan adixkide frango
Batzu horkoak eta besteak hemengo
Ez duzu nehon hartaz gaizkirik entzungo
Holakoak baduke zeruan lagungo.
9
Zer orena aireko haren pausatzea
Ainitzentzat malte bat hautxet aurkitzea
Elgar maitasunean bihotz berritzea
Guk hobe amets hortaz etsia hartzea.
10
Ahaide adixkidek, bildurik herrian
Ehortzi dote hilen hobi zaharrian
Loreņo bat eskuan, nigarra begian
Otoitzez, bizi dadin zeruko argian.
11
Berexte horrek guhaur ez gaitzala leher
Hemen bidaian gabiltz gu bazterrez bazter
Goazen esku emanez joanak direner
Berriz denak biltzea izanen da eder.
12
Bi kusi joan zirezten Ameriketara
Nunbait behar zelakotz, hantxe bizitzera
Deitzen badu bihotzak sort-herri aldera
Tzauri noizean behin gure ikustera.