Aurtengo Eguberriak
Ximun
1
Zuŕ mezuak eguerriz ainitz nerau hunki
Esker on ta gisa ber aita Copentipy
Zure laguntzale on prest nitaike beti
Nere gogo bihotzak nahi tut ideki.
2
Agur ta goraintziak bai ongi etorri
On eta goxo izan dezagun eguerri
Desir dautzut urte on, ainitz osagarri
Kristoren bakea gu guzien lotgarri.
3
Bake eta zorion jaun misionesta
Izan zaite saindua bai eta onesta
Ezar gaitzazu oro zerurako presta
Behingotz leku dadin etsaiaren pesta.
4
Omonier, bikari edo jaun erretor
Ebanjeliotzale ezti edo mokor
Izpiritu saindua zeraukigun etor
Gabe ahul gintaizke mutu ta lerrakor.
5
Barkatiko dauzkigu huts eta laidoak
Garbituko ezpainak libratuz gogoak
Unkituz gu Bakotxa bai ta gobernuak
Hola laster bakea bailuke munduak.
6
Ardi bakartueri igorri artzaina
Kofesor bataiari Kristoren ordaina
Baliaturik Jaunak zuri-man dohaina
Artalderat bilzazu bide txarrean dena.
7
Hegaztin hegal motza umil da lurrean
Laguntzarikan gabe ezin gan airean
Axeriak jan diro berdin pasatzean
Ardi galdua dago ba lanjer berean.
8
Arrainak atsegin du urean ezarriz
Ardi galduak ere lagunetat karriz
Otoitz dezagun denek aurtengo eguerriz
Lur au jainkosta dadin bakean jar berriz.
9
Jaunaren sort-eguna deitzen egun-berri
Sortze balios hori dugun erreberri
Bere bakea eskaini zaukun guzieri
Egun oroz gu baitan dagola eguerri.
10
Utzi dauku bakea, utzi ere lurra
«Español Frantseseri» guk galde suharra
Eskualdunen partetik atera sudurra
Muga berria ken-ta berritu zaharra.