Agur udazkenari

Xaxpi, Paul

 1

 Agur udazkenari,

 Hilen Egunaren ekarleari

 Eta, lur azpiko eraintzen sari,

 Goraintzi neguari!

 2

 Bere bekatu lore-frutuak

 galdurik, gizon-arbola,

 Larru-has gorri geldituko da

 Kristo habean bezala.

 3

 Usu-kurlixkak, zer inporta du,

 Lur goxo keta joan dira,

 Bainan hemen dut papo-gorria,

 Beti prest kantuz artzera.

 4

 Papa gorria emak kantu bat

 Hire kantu arruntena,

 Ene baratze hosto gabean

 Xoilik kantatzen dukana!

 5

 Papo gorria Jesusen baitan

 Hire haurride nuk eta

 negu minean, hil-herrietan,

 Nola elhurra ez kanta?

 6

 Agur udazkenari,

 Hilen Egunaren ekarleari

 Eta, lur azpiko eraintzen sari,

 Goraintzi neguari!