Xalbador zenarentako

 1

 Koblakari bat bazen Xalbador deithürik,

 Zazpi probintzietan hanitx aiphatürik;

 Larrazkenin hil zaikü ustegabetarik...

 Harentzat othoitzian girade bildürik.

 2

 Etzütügü ahazten Xalbador maitia,

 Zure orhitzapena haiñ beita bizia!

 Koblakari ondoko hor düzü semia;

 Gaztek jarraik dezela zure etsenplia!

 3

 Egün da zure besta, oi Uskal-Herria,

 Xalbador-en kobletan üsü khantatia.

 Goguan har dezagün txütik ezartia,

 Zazpiek bat eginik, gure Aberria.

 4

 Xalbador, zunbat artzaiñ düzün ezagütü...

 Haiekila biga bost'ahaide khantatü!

 Ligin ere koblakan zütügü gozatü...

 Artzaiñ hunak zelian auz bildüko gütü!