Behi-lasterrak
V.M.
1
Herrian ez jakinez non ez nola josta,
Auzoan izan gira, hor zutela besta.
Besta zuten bai eta josteta onhesta:
Behi-lasterrak beti hainitz arrakesta.
2
Behi landes tipiak ekarriak huna:
Zangoz biziki zalhu eta so kokina;
Adarrak ezker ezkuin, nor jo lasterrena;
Eta gibel-alda jauzteko arina.
3
Karrika hetsia zen taulez eta jelez,
Etxetako atheak berdin talankerez:
Estaietan leihoak brokatuak jendez,
Karrikari behaka irriz ezin asez.
4
Garateko Xemartin, boneta goldurik,
Behi hasarre bati hor aintzinaturik,
Ari zaio tentatzen, begiak ernerik,
Paltoa oihal gisa plantan hedaturik.
5
Behia oldarrean jin zaio gainera:
Athorra-sahetsean sarturik adarra,
Tarrata egin dio, urra eta urra,
Buluziz paporaino sorbalda ezkerra.
6
Agostin Jakagorri, behi bat ondotik,
Garrasian ihesi badoa gogotik:
Jauzian pasatu da jelaren gainetik,
Uzkailiz erroz gora neska bat alkitik.
7
Popol zaltuts igan da behi-bizkarrera:
Bainan hor egoitea lan handiak dira.
Aberea ari da jauzi eta bira,
Igor arte gizona erhauts xukatzera!
8
Martin eta Bixente, ipurdia lastoz,
Lasterka joan ahala elgar gana datoz:
Buruz burn eginik kopetan elgar joz,
Adarraren beldurrez biek bana eros.
9
Behi bat eskapatu zerrailutan gaindi,
Jendek izan baitute asko izi-aldi.
Muokoak oihuka: «Basa, trika hadi!»
Bainan hartu oldean nehork egin geldi!
10
Ttotte-ren magasinak eder du berina,
Pasatzen direnentzat mirail atsegina;
Han behiak ikusi lagun adarduna:
Hura koskatu nahiz egin du lan ona!
11
Aintzindegi guzia xintxikatu-eta
Aberea harritu, lagunik ez eta...
Adarretik dilingan mokanes pollita,
Elizara joan zauku koskari debota!
12
Ttotte hasarre, bainan gehienak irriz,
Bestak oraino ere iraun duke hainitz;
Bainan ez nindagoken lekuan egarriz,
Ostaturat zuhurki edatera joan niz.