Neska zarrak

Urruzuno, P.M.

 1

 Neska zarrak deitzen

 dira orain «damak»,

 naiz da izan ainbeste

 urte nola amak:

 zarraren zarrez iya

 egiñik eskamak,

 ala ere poztutzen:

 ditu aren famak.

 2

 Moja jaungo lirake,

 ezkondu ere bai,

 baña arantzarikan

 iñolare ez nai:

 eta ¿egongo dira

 beti orrela gai?

 ¡Bai, nere damatxuak,

 nere ustian bai!

 ¿Zer uste dute bada

 damatxuak? ¡Ja, jai

 3

 Eleizako santuaz

 norbaitek erruki,

 otzaz il ez ditezen

 bear du iduki:

 neska zarrak jantzitzen

 dituzte ederki;

 oyek zertako diran

 orra erabaki.

 4

 Mundu danak oyezaz

 egiten du farra,

 ez da nai gabe gutxi

 sufritu bearra:

 edozein umek digo

 «orra neska zarra»;

 gauza ona ba dare,

 izena du txarra.

 5

 Iñoren illiakin,

 falta berriz ortzak,

 alkar jo bearrian

 sudur ta okotzak:

 negua igarotzen

 dute dar-dar otzak,

 osoro beldurtzen nau

 oyen ezur otzak.

 6

 Koloria gorritzen

 egin al egina.

 ekarririk kanpotik

 pintura txit piña:

 baña ezin estali

 erdoi ta zikiña,

 neska zarren gaitza da

 edertu eziña.