Mutil zarrari

Urruzuno, P.M.

 1

 Ezurretan guri ta

 mamitan igarra,

 kastuaren bildurrez

 utzirik bizarra:

 txoriak bildurtzeko

 ez litzake

 orra nolakoa dan 

 gure mutill zarra.

 2

 Poltsa zerbait betia,

 baña txit estua,

 zekenian berriz

 biziro prestua

 beste etsairik eztu,

 bakarrik kastua...

 Lagunik maiteena

 du bere astua.

 3

 Beñere galdu gabe

 dago esperantza,

 arkituko duala

 andre aberatsa;

 emango balitzayo

 aora beatza,

 legorretikan luke

 egingo arrantza.

 4

 Bi aldiz porru salda

 artu egunian,

 gañian meretziña

 konbeni darian;

 au da: odol-kolpeak

 jotzen duenian,

 bestela beti dago

 osasun onian.

 5

 Ekarri bear ba da

 etxera jaboya,

 garesti dagoela 

 mur-mur-mur sermoya;

 urtian ontz erdi bat

 artzen du doi doya,

 gorputz guzian dauka

 egiña erdoya.

 6

 Iru ontza lodi du

 lepo edo zama,

 tisikoen itxura

 berekin darama:

 munduan zabaldua

 dago onen fama.

 ¡ondo biziko da au

 artzen duen dama!