Ameriketako euskaldun batek dio Koloradotik mila goraintzirekin
Urruty, Manez
1
Hazten naiz egun bi pertsuren moldatzen
Hiru-hogoi eta hamar urte egun ditut betatzen
Egun ederra enetzat Jaun Jinkoak daut hautatzen
Osagarri ederra, adixkide frango dut ezagutzen.
2
Ameriketan bizi naiz berrogoi eta hamar urtian
Hogoi urte pasaturik gure Eskual-Herrian
Jin ninzan artzain iterat desertu eta mendian
Gazterik ezagutu gabe plazerik bazela mundian.
3
Behar direnak oro ditugu etxian ausarki
Pilotan ala dantzan zaletan ari naiz airozki
Moltsa sosez beterik naiz denetan ibilki
Adinak ez nau oraino manatzen deusetaz laburzki.
4
Pena guzietaz kontsolatzeko Jinkoak nau lagundu
Hiru-hogoi eta hamar urtez ez dut mediku bat ezagutu
Farmazia bat beharrez ez nezake aise harrapatu
Osagarri ona emanik hola nu ongi saristatu.
5
Adixkide, ainitz dut ezagutzen mundu zabalian
Atxikiz beti baņo partikulazki nere bihotzian
Haren begi argi pollitak bezalakorik ez baita lurrian
Hiltzen naizelarik egonen naiz haren beha zerian.
6
Undar pertsia, nere andre, arreba, ahide, adixkide guziendako
Agur Maria bat, eginen dut egun zietaz orroitzeko
Denak bizi gaitela goratuz Eskualdunak betiko
Gelditzen naiz zuen zerbitzari eta lagun fidel zekulako.
