Kalez-kale...
Urrutia
1
Nun bizi naizen neregatikan
iñoiz galdetzen badute:
Ibargurenen etxean nago
ez da erritik aparte,
egun bat metro inguro daude
kaletik araño arte,
estranjeritik etorri ta ere
aixa billatuko naute.
2
Geyenez amar egun dirade
bi zorrozkille atayan,
txistua joka ixildu gabe
labanak zorroztu nayan,
ubalak jarri bueltak emanez
amarretako garayan,
martxa artan aixa eguardirako
sartuko ziran Bizkayan.
3
Aik jun da ondoren beste bat berriz
guardosol konpontzallea,
koltxoi batentzat ainbeste bazan
aren buruko illea,
brusa aundi bat txuri urdiña
eta piña artzallea,
Ungri aldetik etorri bazan
¡ai zer arpa jotzallea!
4
Eskalari bat izandu zaigu
mutu paperan kojua,
-Jainkuak lagun-esan niyon da
aren orduko ujua,
maldeziyoka juduan gisa
luzatuzuan lepua,
nere partetik balijuake
Luzifer dagon lekua.
5
Lengo igandean biajante bat
bizar laban da ixpillu,
nere denboran ez det ekusi
aurten ainbeste ixtillu
errepublikan libertadean
badago naiku naspillu
neronik ere sumatuko dot
sos batzuak nola bildu.
6
Donostiyatik etorri eta
asten dira ate joka,
galdetzen dute ezer naideguan
pagatutzeko pixkaka,
errenta berriz obligatuak
illabetean osoka,
egun urtean emanda ere
bukatutzen ez dan soka.
7
Erriya onetan aukera dago
badegu komerziyua,
gastain da intxaur tipul da piper
dana negoziyua,
kalean berriz aritzen degu
itzero maldeziyua,
deabrun batek ekarri digu
olako bendiziyua.
8
Jaun bat bakarrik ez det markatzen
badira gizon prestuak
ixtun ederrak eta formala
ondo estudiatuak,
goizetan azkar billatzen dira
basarritarran xestuak,
langillearen kontura tripa
berdintzen dute lixtuak.
9
Aberaz da pobre jarri gerade
lujuakin berdintxuak
tabernan berriz langille ederrak
geyenak daude zintzuak,
fama kontari asten dirade
nere moduko batzuak;
ia gaur zeñek jartzen dituan
danon gustoko bertsuak.
10
Urte gutxietan mudatu dira
emakumean oiturak,
lenago gona luzearekiñ
tapatzen ziran junturak;
ille ederra buruban eta
bular gañean petxerak;
gaur gona motxak aztalak bixtan
gerrako pronto trintxerak.
11
Ondo jantzita apañ'apañak
astean eta jayian
disimuluan ibiltzen dira
zerbait billatu nayian;
edadeak ez du barkatzen
segi dezuten gayian,
gure geyenak igualak giñan
gazte giñan garayian.
12
-Amabigarren bertsu onekin
bukatu biardet nik au,
ziento erdi bat jarriko ditut
iñork enkargatzen banau,
aspertu gabe emen ari naiz
ixildu gabe egun da gau
txanpon batzuak artzen dira ta
orretxek ni poztutzen nau.