Sorlekuari
Urrundik
1
Baigorri
xuri eta gorri...
Izpegi eta Borzieta,
eta Mixelene...
Okhotz eta Eyheralde...
Ollandoiko kapera xuria...
Baigorri dut ene sor herria.
2
SOr lekua,
zer toki eztia...
iduri amaren altzoa...
Han bizitzea,
ene asmoa
Han hiltzea,
ene amentsa...
Oi, herri maitia,
hemengo ibaiak dira zabalak...
ikusten banintu zure errekak...
mila aldiz dira ederragoak,
iguzkipian, heien distirak...!
3
Behar nuela
Sor lekutik urrun...
untsa beztitu jaun batzuk
paper xuri batzutan dute ezarri.
4
Ene eskual bihotzak hori ez du onhartu,
bainan,
bizia,
gauza dorpea...
artho axalaz, gaur, gizonak ez aski, eta joan behar,
lana behar...
iparreko kheen ihesterat...
5
Oi herri maitia,
gau guziz,
begiak hestian,
Baigorriko mendien distira dut
bihotzian...