Ameriketan
Urricariet, Jean
1
Hemeretzi ehun eta hiruetan hogoi ta bat:
Urthe huntan jina niz Ameriketarat,
Bertze hainitz bezala fortuna egiterat;
Deliberatu bainaiz pertsuen emaiterat,
Ene berri zombeiten jakin-arazterat.
2
Californiarat naiz ni artzain partitu,
Gogoan hartu chedea baitut hor komplitu.
Nagusi onak ditut segur harrapatu:
Berehala daitate partida moldatu,
Primalekin naizela ezin dut ukatu.
3
Goizetan argitzerat naiz ohetik jausten;
Berehala kateaz gatulu bat husten;
Segidan ez banaute primalek ikusten,
Zalhu dituzte lehiak jauntto hoiek husten,
Bihi batek ez baitu deus hezurrik hausten.
4
Hamekak aldean dut lehen apairua;
Orduko ahantzia dut ene kafia;
Eskapatuz behar dut egin askaria;
Karroan janez parte, bidean bertzea.
Horra Ameriketan artzainen bizia.
5
Jin dadin igandea, Jaunaren eguna.
Lan huntan ez du behar izan fededuna.
Igande astelegun gau eta eguna;
Othoitz zonbait eginez dago Eskualduna
Hunat jin dadiela fededun ez dena.
6
Pertsu huntan mintzo niz gazte laguneri.
Hemen lanian artzeko ez du behar eri;
Hunat jinez geroztik josiak lanari,
Gu nola bizi giren horra hor ageri.
Etchean ongi dena hunak ez etorri.