Azkoiti'ko bi gizon jatorren oroimenean

Urreta, Manuel

 1

 Azkoitiarra JOSE TOMAS ta

 abizenez ETXANIZ naiz,

 ez-izenakin esagunago

 ondo jarriya: "ALDAKAITZ"

 ez daukazute esan bearrik

 "i noiz-nai aldatutzen aiz"

 baizik, nerean nago ni ermo

 etor arren ekaitzak maiz...

 2

 Zenbat neke ta izerdi zendun

 Auziyagatik eraman,

 gogo-beroa makaltze etzala

 ardi zaintzen banan-banan

 gelditu gabe zure artaldea

 nola egon ala gauban,

 beti gañean egon oi ziñan

 esna eta lo ernayan...

 3

 Bestek etziñun artara ipintzen

 biotzeko maitasunak...

 ez guda-zale ziñadelako

 bakarrik eginkisunak

 nai ta nai ezik gerta oi ziñan

 burrukik asarretzunak

 eramatera, poz en ziñulaik

 pake anai-artekoenak...

 4

 Zori txarreko ania-banatze

 etsayaren gogokoa

 amaika kalte ekarri ditun

 gaitz zatar inpernukoa....

 orrek du ekarri, ezerk ez, bestek,

 dagon Sorterri gaurkoa...

 orretaraño naigabetuaz

 Eliz Ama ta Jainkoa...

 5

 Zer etorkisun beltz larrik eta

 zetozela esanikan,

 Jaunak Beregan eraman ziñun

 t'ala zaude ordutikan;

 ordañ-lekutik otoitzan Berai

 gu orla ikusirikan

 eskatuz azka gaitzala oraingo

 etsai nazpil oitatikan,...

 6

 Beste lagun bat izandu zendu

 zerekin batean emen,

 goi-mallan egon zana zintzoro

 on EUSEBIO ARANGUREN

 zarrontzaleen iritzi deuna

 arretaz ondo gordetzen,

 ola gaztetan ala zartuta

 beti zutik eta zuzen...

 7

 Iritzi onez zarrontzaleak

 zeraten anai maiteak,

 denok asmo bat dakargulako

 zabalik daude ateak...

 bildu gaitzala anai guziyak

 oro zar eta gazteak

 indar batera, puzkatzeko errez,

 beltzkeriyaren kateak...