Alegi'ko Gazte Alayak Garagarrillaren 12'an egindako erromeriari

Urdangarin, Jose

 1

 Bigarren aldiz Gazte Alayairi

 bertsuak jartzen naiz asi,

 zer festa ederrak egin ditugun

 nai nuke adierazi,

 egun osoa igaro degu

 musika eder da guzi

 erri ontan guk egin degu

 jendea dibertituazi.

 2

 Urtia nola kunplitu baitan

 jarririk sozidadea,

 ta festa eder bat ipiñitzeko

 artu genduen idea,

 baita gañera ipiñi ere,

 ezta posible obia,

 gaur nun nai ezta egiten

 olako erromeria.

 3

 Akordeonista besperatikan

 animoso zan etorri,

 etxafueguak bota giñezen da

 mobimentu aundia zan jarri,

 amarrak arte soñua jozun

 guztiñ entretenigarri,

 gero kafetxo bana artu gendun

 kontuk esanaz alkarri.

 4

 Urrengo goizen Meza Santua

 zortzitan gendun atea,

 lagun guziok deboziokin

 juan giñaden entzulea,

 gauz prezisogoik mundu ontan gutzat

 besterik izango otea?

 iñorentzako kalteik ez dakar

 obra onak egitea.

 5

 Andikan laister bi musikero

 etorri ziran trenian,

 jendia laister mugitutzen zan

 soñua sentitzen danian,

 jende guztia arritu zuten

 jotzen asi ziranian,

 zeñek aditun faltak etzuen

 izandu aldamenian.

 6

 Beatzi ingurua kalejira inda

 jale ta sagardotegian,

 konzierto ederrak eman zituzten

 jende prankoren aurrian,

 musikerontzat toki ederra

 jarri genduen kalian,

 inguru guzi adornatuta

 sagardotegi parian.

 7

 Bildu giñaden bazkaldutzea

 ordubata t'erdi ingurun,

 bazkaldu ondo ta jarri giñaden

 dibertitzeko modun,

 atzalde guzin dantza fuego

 guziok fiñ egin gendun,

 etxafueguak maiz bota eta

 etzan giro gure ingurun.

 8

 Urrena berriz afaldutzea

 zortzitan giñan juntatu,

 egun artako bazkari-afarik

 giñuzen bai enkargatu,

 jan da eranian bapo egin da

 ondorenian dantzatu,

 egun alagoik nere denboran

 ez det oraindik pasatu.

 9

 Afal onduan berriz musika

 len baño maizago izantzan,

 izugarrizko mobimentua

 kale bera alden jarri zan,

 andre ezkonduk ere dantzatu ziran

 neskatxa gaztien gisan,

 kalia betian jendia dantzan

 naiz egualdi txarra izan.

 10

 Publikatzeko esan dirate

 neonek deseo dedana,

 nai genduke adieraztia

 «Gazte Alayak gerana,

 egun ortan suelto jendea,

 soñu, jana ta erana,

 orduntxe guri irten zitzaigun

 «la casa por la ventana».

 11

 Andaindarrak ziraden

 musika jotzen zutenak,

 ¡ayek dirade musikeruak!

 ondo ikasita daudenak,

 oso ederki jotzen zutela.

 esaten zuten bai danak,

 txalo ederrak jo zizkioten

 inguru artan ziranak.

 12

 Mateo txurrero salsa joiakin,

 Jose Marik kornetiñe

 Juanito berriz danan buru dan

 akordeonista bikañe,

 sayatzen dira musika jotzen

 ta jotzen dute alegiñe,

 olako irukoik soñu jotzeko

 nik ez det ikusi beiñe.

 13

 Lagundutzeko alegitarrak

 artu zituen iru gazte,

 soñu jotzeko eman zizkien

 ayeri bai naiko traste,

 beste batzuri kostako zaye

 jotzen beste orrenbeste,

 orren ondo manejatzeko ziranik

 nik beintzat ez nuan uste.

 14

 Ez da milagro gaztek eukitzea

 dibersioako griñek,

 mundu ontan lagun deigula

 Zeruko Ama Birjiñek,

 guziok ondo dibertitutzen

 in giñuzen alegiñek,

 orra amalau bertso berri

 ¡arri Jose Urdangaríñek!