Alegri'ko gazte alaya'ri

Urdangarin, Jose

 1

 Milla gañera bederatzireun da

 ogeita amaikako urtian,

 soziedade bat jarri genduen

 Gipuzkoako partian;

 beren izena «Gazte Alayak»

 puntuz dago Alegrian,

 ez deu gañera ukatuko

 bizi geraden artian.

 2

 Kuadrilla batek pentsatu gendun

 soziedade bat jartzia,

 merezi du ta gogok emandit

 bertsuak ateratzia,

 lagun guziyai galdetu diet

 nai alduen publikatzia,

 baietz esandie, publikatzeko

 neonek nai dedan guzia.

 3

 Lendabiziko zer in genduen

 eman biat aditzera,

 gobernadorengana juan giñan

 baimena eskatutzera;

 gobernadorek ontzat emandu

 soziedade au jartzia,

 baita paperak bialdu ere

 andik eun batzuetara.

 4

 Inauguratu biar genduen

 besperako egunian,

 lagun guztiak sayatu giñan

 urrengo euneako lanian

 atzalden lorek ekarri eta

 prestatu iñulabarrian,

 adornu ederrak iten bakigu

 gogoz aste geranian.

 5

 Garagarrillaren zazpian

 inauguratu genduen

 egun artantxen etzan atsegiñ

 Gazte Alayen inguruan,

 rotulua ere toki egokin

 goizetik jarriya zuen,

 dotore asko adornatuta

 bandera baten onduan.

 6

 Itzean bezela juntatu giñan

 danok amaikak aldian,

 goizetikan umore on bat

 pasatutzeko idian,

 guztiok nola baigendun bad

 dibertitu egin naian,

 soseatutzen errexa alda

 onelako sasoian?

 7

 Batek soñua jotzen zuan da

 beste guztiak kantari,

 lagun guztiok goizetikan

 txit alai giñaden jarri,

 salda ederra artu genduen,

 ardo txuria edari,

 egun artan ez gendun pasa

 iñoiz aña egarri.

 8

 Egun artan asko aitu ziran

 alkarren arten esaten:

 -Kale Berako Gazte Alayak

 ¡ai zer umore daukaten!

 batzuk soñua jotzen dute ta

 bestiak dira dantzatzen,

 gazte oyek beren artian

 broma ederrik due pasatzen.

 9

 Arraltsaldeako orkestina

 Andoaindik gendun ekarri,

 bi mutill gaztek dibersiua

 oso ederra zuten jarri,

 soñua franko jo zuten, bai,

 guztin entretenigarri,

 ederragorik ez da oraindik

 erri ontara etorri.

 10

 Etorri ziran arratsaldian

 irut'erdiak ingurun,

 bazkaldu ondo ta orduntxe jenden

 dibertitzeko modun,

 estaziyo jetxi ordurako

 pieza ederra aitu gendun

 pentsatzen ez gendun obegorikan

 izan biarzanik mundun.

 11

 Urrena ¡altza Gaztiak! juaz

 juan giñan lokal aldera

 jende guzia begira jarri zan

 jetxi ordurako kalia,

 kostako zaye beste batzueiri

 soñua ala jotzia,

 oso gustora juan giñaden

 kafetxo bana artzera.

 12

 Kalejira egin genduen

 kafetxo bana artian

 ¡gora Gazte Alayak! esaten zuenak

 makiñatxo bat baziran

 gure atzetik gu abonatuz,

 ezagun asko juan ziran

 egun alayagoik ez dot pasatu

 nere denbora guztian.

 13

 Egun artan bi emakumen arten

 konbertsaziyo auxe aitzen zan

 batek bestiai galdetzen zion

 ia zer pasatutzen zan

 por si akaso Kale Bera ortan,

 aber bodan bat ote zan,

 orduko soñu ta istilluakin

 ura oso arritu zan.

 14

 Ez degu uste geradenikan

 iñor alkarren etsayak,

 guztiok gera alkarrentzako

 amorioso ta ernayak,

 deseo aundiz artuak dira

 soziedadeko sustrayak,

 deadar garbi bat egin dezagun

 ¡gora Gazte Alayak!

 15

 Afaria gendun enkargatua

 egun artako danontzat,

 nola soziyo ala ezagun,

 baita ere parrokianonzat,

 gure egun artako dibersiyua

 danak eman zuten ontzat,

 zer esanikan ezda esaten

 ondo portatzen danantzat.

 16

 Dantz'aurria ere arratzaldian

 ederki gendun atera,

 dantza sayubat inda jun giñan

 afaltzera danok batea,

 afal onduan berriz juan giñan

 dantza gogor egitera,

 zer dibertsio pasa genduen

 ortik kontuak atera.

 17

 Etxafueguak naiz batiaz da

 zigarro puruk erretzen,

 neskatx da mutill asko dantzan ta

 dibersiyo etzan faltatzen,

 gare egun artako alaitasuna,

 olaxe zan bai bukatzen,

 egun alayagorik pasatutzerik

 nik ezdet baintzat pentsatzen.