Norat hoa, Jan Pierri
Urbero, J.
1
-Norat hoa, Jan Pierri
primadera goiz huntan?
Alhorrerat banoa
huchtua ezpainetan:
Lurra ene goait dago,
hoberenak golkoan:
Lur-lanetik osasun,
odol garbi zainetan!
2
-Norat hoa, Jan Pierri,
tratur horren gainean?
-Ogien pikatzera
iguzkiaren pean...
Epaiten ariko naiz
tiki-taka zelaian...
Ogiaren ederra
bere jauntzi urhean!
3
-Norat hoa, Jan Pierri,
bakarrik ilhuntzean?
-Grachiren gana noa,
amets bat bihotzean:
Andre gochoagorik
ez da mundu guzian
Hura nuke nik behar
etchekandre etchean.
4
-Norat hoa, Jan Pierri,
alfortchak bizkarrean?
-Ez dea Solbezio
Orreaga sainduan?
Harat beilaz banoa
othoitz egin nahian,
Lan eta amodio
ontsa itzul dazkidan...
|