Bankzerri
Unanue, Jose Manuel
Bi mila urte kunplitzeko'ta
hamabost bakarrik falta
natorkizue ni berri txarrekin
egunkarian leituta.
Euskal Herri'n gertatutakoa
delako behar dut konta
ez bazaio honi hala deritzen
zeri deitu lapurreta.
Euskadi maite 'ta gorrotoa
mila langilez josirik
kajaorroz 'ta banketxez dago
leku guztietan beterik.
Zerta'ko darabilte dirua
nahiko nuke nik jakinik
behar dutenentzat ez baldin bada
ken iezaiegu, utz hutsik.
Azaldu beharko dizuet ba
nire amorruaren zera
ez dakit kapaz izango naizen
bihotzak egiteko hitza.
Gazte bat zorrak ordain asmotan
aurkeztu zen banketxera
zerriņo flaku besterik ez zu'n
eramateko hartara.
Banketxeko apote lodiek
hura ikusterakoan
zioten serio jenio biziaz
onartzen ez zutela han.
"Zor erdia ordainduta daukat
agindu didazuen eran
hogeitamar da mila durotan
falta dena bakarridan".
"Zor hori ez ordainduz gero
agertu zai'zue asmoak
kentzeko neri pisu, nomina
eta aire ondasunak.
Putreak izan behar duzue
banpirok eta lapurrak
nola leike hori permiti duken
gizsemeen legeak".
Zerriņoa ez zioten lagatu
fidantzaren lez lekuko
gizon koittaduak bueltan zekarren
ez zuen ba han utziko!
Istilu galanta atera zu'n
aberatsen lotsarako
hauek baitira me'zi dutenak
txartel bat infernurako.
Irakurle maite erne egon
ez zaizula zuri pasatu
badakizu ba hauen legea
bost jaso eta bat kendu.
Ez zaizula inoiz okurritu
hauei dirua eskatu
hoien bihotza dago patrikan
metatu, metatu, metatu.
Nire hizkera baldarra bada
itsusia eta latza
nirekin ados izango zara
gehiago dela bizitza.
Behin betiko biziz behar eta
ez dedila izan morrontza
nire hilobian ipin ezazue
"Azkenean libre natza"