Azken autobusa

Unanue, Jose Manuel

 Hartzen baduzu

 pelaje guztietako gizakiak ikus ditzakezu

 eta ezin baduzu

 tristeziaren itsas zabalari superbizitu

 nitaz gogora zaitez.

 Zeren eta nik

 hamaika bider pasatu naiz

 leku berberatik.

 Eta azken jarlekutik

 melankoniaren lurrun saretan

 ikusi izan ditut

 -zeuk orain bezala-

 Langile esku boltsadun adar joleak.

 Gazte pelukero ile rebelde punki tankera.

 Neska sudur luze begi goseti.

 Emakume alkoholiko erosketak aldean.

 Eta norberak erabakitzen du

 sun

 tsi

 tze

 a.