Urte berri
1
Une xaharra gan zaiku eta
hastera doa berria
Desirkundeaz nere bihotza
da zuendako betia
Urte uros bat bakean eta
denentiat osagarria
Gure jainkoak on hartzen badu
Igor gaitzala grazia.
2
Urte berri hau hasia dugu
berri-berritan bezala
Euskaldunentzat oroitzapen bat
luzaro izan dadila
Hegoaldeko gure anaiek
egin tuzten abantailak
Iparralderat zabaldu tuzte
horiek beren hegalak
3
Eri ta xahar etxe xokoan
zagozten bakar bakarrak
Sofritzen edo lagunik gabe
galduak zuen indarrak
Zuen hizkuntza maitagarria
ez dadin joan hiltzerat
Euskal irrati ta telebixtak
jinen dira laguntzerat
4
Euskaraz diren emankizunek
dute bi urte betea
Alaitasunez segi dezagun
piztua dugun gatea
Orok goretsiz asmatzaileek
dadukayen bertutea
Hoieri esker biziko baita
gure euskara maitea!