Urrezko ezteiak
1
Zorte ederra jendearentzat hein bat untsa xahartzea
Ederrago da biga batean hein hortaraino heltzea
Elgarrekilan deliberatu zinuten parekatzea
Biziko harat-hunat guziak batean joanaraztea
Ta egun batez ahalaz biak eskuz esku baratzea.
2
Egun hori da gaurko eguna urrezko eztei eguna
Esker ainitzen bihurtzekotan Jainkoak eman daukuna
So baten gibel botatzeak du mundu huntan here one
Mendi gainetik ardieri so artzainaren zoriona
Orroitzapenak trumilka orai heldu dira zuen gana.
3
Gazterik biak zinezten lotu bidea egin beharrez
Zuen kuraiak beti iraun du marka guzien itxurez
Gure herria da aberastu familia eder batez
Jainko deiari izan nahian fidel ez bakarrik elez
Zuen haurretan Jaungoikoari bat eman duzue apez.
4
Xoria zuhaitz adar gainetik ez dago kantatu gabe
Eliz'barnean gure xantrea hortako ez da herabe
Mode berrian jende guzia da Jainkoaren goresle
Horrek ez dio lehengoari kalte ekartzen batere
Xori saldoan errexiñola ageri baita halera.
5
Zuen bihotzak, xahar maiteak, egun dagotzi pozetan
Irri ezti bat ageri baita zuen ezpain xokoetan
Zorion giltza duzue hatxeman uroski alor onetan
Jainkoarekin adixkidantzan, estimu ainitz haurretan
Urte ainitzez, orai bezala, bizi zaitezte lur huntan.
6
Jaun'ta andere adixkideak har konplimendu beroak
Bat bertzeari leial egonik merexi du holakoak
Etsenplu eder duzue eman jarraik diten ondokoak
Bihotzez diot ene otoitza entzun beza Jaungoikoak
Zeruan denak bildu gaitezen altxa ditzagun basoak.