Ume eder bat ikusi nuben...
1
Ume eder bat ikusi nuben
Donostiyako kalian,
itz erditxo bat ari esan gabe
nola pasatu parian;
gorputza zuben liraña eta
oñak zebiltzan airian,
politagorik ez det ikusi
nere begien aurrian.
2
Aingeru txuri paregabea,
Euskal erriko alaba,
usterik gabe zugana beti
nere biotza narama;
ikusi nayan beti or nabill,
nere maitea au lana!
zoraturikan emen naukazu,
beti pensatzen zu gana.
3
Galai gazteak galdetzen dute
aingeru ori nun dago?
Nere maitea nola deitzen den
ez du iñortxok jakingo;
ez berak ere ez luke naiko,
konfianza orretan nago,
amodio dun biotz oberik
Euskal errian ez dago.