Andere Trufariari trufa
Trufaria
1
Gizon bat besotik helduz
andre bat dena irri,
Trufaz ari zen gogotik
eskuara xaharrari.
Ez dakienak ez daki:
zertaz da urgulutzen?
Hanbat gaixto, anderea,
ez baduzu aditzen!
2
Eskuara ez da eskolan
ikasi mintzairea;
Eta ez da zu iduri
derabilan jendea;
Zuk zure zitzi guz ak
ditutzu hor hedatzen!
Habe segur, anderea,
ez baituzu aditzen!
3
Atsegin atsegabetan
eskuara zoin den gozo,
Ez daki ez Paristarrat
gauzkalarik gu gaizo!
Dena ditxo, dena kantu,
eskuara da loratzen.
Hanbat gaixto, anderea,
ez baduzu aditzen!
4
Iturriko ur garbian
mirailatzen zinela,
Bazinion hogoi urte
doi-doi zinituela...
Gaixoa, urak doblea
aise dautzu salatzen...
Hobe segur, anderea,
ez bainuzu aditzen!
5
Ibaia itsasoari
eskuaraz da mintzatzen,
Haizea berdin eskuaraz
oihanetan kantatzen,
Eta xoria arbolan
goizik xaramelatzen,..
Hanbat gaixto, anderea,
ez baduzu aditzen!
6
Etxean zure senharrak
uste du norbait dela.
Debrua irriz ari da
karkaila dariola.
Tinki daukan hariari
etzaizkoia ohartzen?
Hobe segur, anderea,
ez bainuzu aditzen!
7
Eskuarak aspaldi danik
izan du laudatzale
Bai eta jakintsunetan
andanaka ikasle.
Bonaparte printze batek
etzuen gutiesten.
Hanbat gaixto, anderea,
ez baduzu aditzen!
|