Senperen urrezko ezteiak

Treku, Mattin (Mattin)

 1

 Hazilak hoita-hiru Jondoni Klemente

 Gaurko ezteietarat gomitatu naute

 Ezkonduak direla berroit-hamar urte

 Mayi Etxeberria ta Mixel Kapotte (bis)

 2

 Gau on ezteiliarrak ta ongi etorri

 Barkamendu galdatzen dautzuet deneri

 Ohore egiteko aita-ta amari

 Kantatu nahi ditut zonbeit pertsu berri.

 3

 Zoinek ez ditu maite bere burasoak

 Haurrentzat horren bertze in duten gaixoak

 Halere lagundu-tu zerutik Jainkoak

 Egin ahal ditzaten eztei urrezkoak.

 4

 Haur andana ederra mundurat emana

 Horrek kontsolatzen-tu aita eta ama

 Badute osasuna, eguneko lana

 Gogotik etorriak egun zuen gana.

 5

 Neke-ta lana frango egin-ta ondoan

 Zoriontsu zarezte guzien buruan

 Iloba ttiki hoiek zuen inguruan

 Gauza ederragorik ote da munduan?

 6

 Elgarrekin bizirik berroit-hamar urte

 Ezkont berrian bezain oino elgar maite

 Gaurko gazte zonbeitek beha balezate

 Etsenplu hartzekoa segur balukete

 7

 Gauzarik hoberenak badu akabantza

 Huna azken agurra orai guzientza

 Jaunari galdeginez aitama onentza

 Zorion-ta osasun hainitz urterentza.