Bertsutan
Treku, Mattin - Zubikoa
Mattin
Aizak, Zubiko, hasi gaitezen gu serioski gogotan
Naiz espedientza guti dugun gu biek ere lan hortan
Nik kasik konprenituxe diat jaun horrek zer erran dautan
Ta avion bat beharko'utala nik ere hara joatekotan.
Zubikoa
Avion hori esperuan de nik uste dedaneko
Gizon haundiek igorri dute gu apartera juateko
Berak talentu aski ezinik ia jujetzat juateko
Eta arren pake ederra munduari emateko.
Mattin
Lau gizon hoiek bildu dirare Mozkun elgarrekilan
Bat bertzia ezin enganaturik lauek badute aski lan
Eizenower, Krutchev eta De Gaulle-kilan Mac Millan
Hoiek ixilik egon behaitez gu biak hastearekilan.
Zubikoa
Jaun haundiak mintzatutzen naiz euskera garbiz zueri
Alkar ezin konpondurikan nola zeraten ari
Baldin erruki badezute Jaunaren odol on hori
Zuentzat on ez dan gauzarikan ez desiatu besteri.
Mattin
Gaur iguzkiak ezin ezezta horiek duten itzala
Derek dakite hoien gatikan lanjerian gabiltzala
Nik esplikatu nahi zaituztet orai behar den bezala
Batek bertzia maita zazue bertsulariek bezala.
Zubikoa
Gure agurra hau da egun egin deguna onetan
Nik ez det ezer esperorikan hasi ta ere txarretan
Geure anima moztera guaz berdin gorrotu beltzetan
Beti pobre izain bagerare bizi gaitezen paketan.
Mattin
Azken bertsuan nik gizon hoiki bertsu hau diotet kantatu
Eta eskuara garbi garbian hau laņoki esplikatu
Gaizki zablltzate hola eta bat bertzeari barkatu
Bertzenaz zuek hasarretu ta bertzek behaute pekatu.
Zubikoa
Lau jaun haundi hemen zerate beste bi bordari hemen
Ia arren zuen bihotzak konbertitutzen diraden
- Kontzientzian etsamiha egin zazue zuzen
Hanbat seme dohatsua zonbat gostatutzen den.