Izartxo
Pagogaņa
Urrutikan ņir ņir izar-argi
goian zaude gaur ere ixilik,
zure izpiņ Lurbia gozatzen,
Egille on dala adirazten.
Ost-gabako ispillu-erdian
gogoz zaude gure agerian,
lurtarren begiak arrunt zorrotz
zu ikusi naiez biotz-asmoz.
Baranoan illargi berria
leņuruan dauka bekokia.
Ego alde zaude dizdiraka,
izar aizpak dauzkazula agurka.
Emeki emeki itxasorantz
ba-zoaz zure gau ibilleran.
Zure pean zenbat ameslari
atea jo nairik zorionari!
Goiz aldeko illunabarrian,
gabako argiak itzaltzean,
aldi luzetxo gure aurrean
gelditzen zera gura onean.
Biotzeko izartxo laztana,
etorri, bai, sarri guregana.
Zure iduri maitagarriaz
bete gaitzazu doai berriaz.
Gaba-aldeko txinpart maitatia,
euki gogor zeruko argia.
Alaitzeko lurtarren egunak
suntzi, otoi, asmo beltz illunak.