Andre serora

Pagogaña

 Aste oro ostegunetan

 joaten giñan Xavier ta ni,

 txakurtxoa aldamenean.

 andre serora agurtzera,

 serora agitz ahaltsua,

 amonatxo amultsua.

 Bere itxura onean,

 parra eztitsu aboan.

 gure begien aurrean

 agertzen zan atarean

 Bereala txakurtxoak

 milakatzen bere eskuak.

 Atsaldekoa artuz gero,

 jeisten giñan baratzera.

 Bertako lili biziez

 sortatxoren bat egiñez,

 joaten giñan otoiztera

 gaiñ-gaiñeko eleizara.

 Usain gozoez betea

 arruntz txukuna eleiza;

 txuri txuria aldarea

 oyal ederrez yantzia.

 Zorioneko Birgiña,

 Ondarbi'ko Erregiña!

 Bein joan giñan Xavier ta ni

 andre serora agurtzera.

 Illuna zagon eleiza,

 bertan illa amonatxoa.

 Malkotan begitartia

 negarrez Andre Maria...