Aldabe
Pagogaņa
Angel de Irigaray jauna.
Bidasoa'ko euskalzaindi
kidea, adizkide onari.
Zure magalean sortu nintzan,
Seaskatik zaitut adizkide.
Zure maldan, gero bidez bide
Menditarren gura artu nuan.
Alderdiko Gentil gotortsuak,
Larrun eta Aya mendi zorrotzak,
Beren bortxa ta indar guziez,
Jasa zinduten asmo oberenez.
Bidasoa'k beroko oņa aldian
Zaitu beti goxo lilluratzen,
Len mendeko soņua abestutzen,
Oyanok daudela erantzuten.
Itxasoa ortxe duzu lagun,
Zuretzat bai samur eta bigun!
Egalez goizero, aizez aize,
Betetzen oi zaitu intz pitxiez.
Txingudi'ko ibai txit zabalak,
Zure urbillean dagoala,
Izpillu garbia bezelaxe,
Atzematen zaitu itzal gabe.
Jaizkibel menditik eguzkiak,
Illunabarraren alditxoan,
Urrezko orratz izpi dizditsuak
Banatzen oi ditu zure goian.
Arbasoak zure sabelean
Daukate or, Bloya ill-errian,
Beren atsedenezko tokia.
Nai ta naiez or gure obia.
Bitartean San Marcial daukagun
Txuri ta kutun elizatxoa,
Jo dezala din-dan gau ta egun
Bizkor, alaiki, eskil soņua.