"Zeruko Argia"-ren omenez

Tauer, Norberta

 Orain urte bat dala ZERUKO ARGIA

 Asi zan dizdiratzen euskaldun soroan,

 Eta gure euskera, izkuntza maitia

 An agertzen zaigu edertasun osoan.

 Asko gustatzen zait asteroko maitia,

 Ekartzen badigu zenbaki bakoitzian

 Artikulu ederren lerro txit luzia,

 Guziak idatzita euskera eztian.

 Euskal-idazle ta olerkari aundiak

 Ikusten ditugu lankideen artean,

 Izkuntza zarraren esnatzaille argiak

 Ta ongi ezagunak euskal-baratzean.

 An irakurtzen ditut berri pozgarriak

 Nola gure euskaldun onen biotzetan

 Burua jasotzen du euskera eztiak,

 Beren Euskalerria bazter guzietan.

 Askok miresten dute euskera maitia

 Euskalerrian eta mundu zabalian.

 Gora gure euskera, izkuntza eztia,

 Oiu egiten det guzien izenian.

 Artu, otoi, guziak nere gorantzia,

 ZERUKO ARGIA'ri bitz-biotzetik

 Opa diot bizitza luze ta joria

 ta bialtzen dizuet agurra Praga'tik.