Tabakolariak altzazetan
1
Tabako landatzalek ba omen dute lan
Halere kurri joaiten zaizkigu artetan
Aurten izan baigira Frantziaren puntan
Hobeki erraiteko hantxe Altzazetan
Horren berri emanen dautzuet bertsutan.
2
Trenean, goiz sarturik, heldurik atseko
Strasbourg hirian ginen denak auhaiteko
Adixkideak jinak errezebitzeko
Xukruta mahainean gose zenaindako
Nahiz ez zitaken hau ororen gostuko
3
Afaritik landa guk bi kantu emanik
Hobe ginuen segur loiterat joanik
Etxe eder bat baitzen guretzat emanik
Zaintan egon baigira goxoki etzanik
Goizetan partitzeko han ginen ernerik.
4
Ongi pausatu eta baigira partitu
Gauza ederra frango han dugu aurkitu
Bere aldetik gaitu aroak lagundu
Horren medioz zalku ongi baliatu
Aste osoa hola aisexka pasatu.
5
Alamanla juntan baiginen gertatzen
Leku hoietan dute biera edaten
«Brasseria» hoitarik ainitz han izaiten
Hoitarik batto izan gira bisitatzen
Baso handi batzutan ginuen jastatzen.
6
Kurritzearen bortxaz zelai eder haitan
Errekolta ederrak nasai alorretan
Tabako zonbait ere lili kukuletan
Guk hori ikustean ari karkuletan
Lanean ari giren ote debaidetan.
7
Baititugu ikusi ere mahastiak
Ongi errezebitu gaitu soto-zainak
Bixtan da egin nahi zituen aferak
Guri jasta emapez arno xuri onak
Ez ditu barnea txar ezarri gizonak.
8
Orroitzapena one, ibiliz han gaindi
Behar da erran ere dela zonbait lili
Baratze ta leloak baitira igeri
Gu aldiz ginenian gertatzen egarri
Aitor dut, han ginuen beharrikan Menddy.
9
Bertze gauza bat ere ohartu nizana
Begiratzen dutela beren nortasuna
Guretzat ere bada hor etsenplu ona
Gure mintzaira zainduz nola hek berena
Salbatuko dugula Euskara gur'ama.
10
Zelaiaren buruan han ere mendia
Zoin ederra litaken ez balitz trixtia
Milaka hil baita hor denboran jendia
Gerla leku hoietan latza gertatia
Pentsatuz Strutof hori nago harritia.
11
Hango jendea ere nahi dut alpatu
Zeren ontsa gaituzten gu errezebitu
Urrundik nahi ditut erremestiatu
Ottmann partikulazki, baigaitu gastatu
Sarri behar dakogu karta bat postatu.
12
Egun elgarrekilan berriz mahainean
On da, ateratzea lagunen artean
Bertz'urteko kurrida baitut nik gogoan
Entzun dut ditakela itsas bazterrean
Oraik'ustez izanen dugu Bretanian.