[Bertsotan]
Sorozabal, Jokin - Izeta
SOROZABAL
1
Aita eztago osasunean ta familiak badaki
Orain alperrik egingo degu mediku txarren aitzaki
Bere ondoan semetxo hauek hazi ditu hain egoki
Horregatikan aita ikusi ta zu ez al zera erruki
Hiltzean ere engainatuta ezingo degu eduki.
IZETA
2
Normalean ni egi zale naiz ta anaia badakizu
Baina uneak txarrak dira ta bain gelditua naiz izu
Bera izan da gare aitatxo erakuslea ta maixu
Egik esaten nere anaia arreta jar zazu aizu
Zertako dezu egi haundiņa bertan gelditzen bazaizu
3
Bertan gelditu liteken hori hau arrazoia mutilla
Len ere alkar esan dizkiau hark eta guk egi pilla
Horregatikan jarri nahi nuke here aurrean umilla
Egia esan edo ez esan bera laister baita hilla
Ta entzuten dun azkengo hitza egi bat izan dedilla.
4
Bizi dan arte aurkitutzen naiz beti itxaropenetan
Zerbait alaia egin nai diot aurkitzen da ta penetan
Arantz gaiztorik zergatik sartu barre ezkutuenetau
Ez diot ara egia esango gezurra miņez benetan
Ilusioa eduki dezan bere azken uneetan.
5
Gure aitaren bihotz gaixoan poza uahi dezu zabaldu
Baina ez pentsa egin leikenik here bizitza ugaldu
Bizia eman digun gizonak gezurrik merezi al du
Gezurra hemen edo zeruan egingo baita azaldu
Gugatik hainbat egin duenak ezin da horrela saldu.
6
Nik ondo dakit gezur artean bat ezin dala haunditu
Bainan aitatxo hiltzen utzi ta ezin naiz lasai gelditu
Une txar hauek gezur artean behar ditugu gainditu
Gure aitatxok une azkenak ondo pasa behar ditu
Sufri dezagun biok anaia berak ez dezan sufritu.