Munduko gora berak
Soroa, Marzelino
1
Alde bat probintziyan
Degu Goierriya,
Goierrin berriz dago
Erri bat txikiya;
Erri ontan gañera
Bada baserriya,
Baserriyan bizi da
Juan nekazariya.
2
Juan edo Juan Batista
Indartsu, gaztia,
Sasoi oneko ogei
Urteren jabia;
Lanerako osasunaz
Bai ere betia,
Erriyartan arkaitzik
Etzan aiñ tentia.
3
Etzuben Juan Batistak
Zintzurrian traba,
Sartuko zituben an
Bi lakari baba;
Lanerako gogotik
izanikan taba
Egunaz lan egin da
Lo betian gaba.
4
Orla jan erateko
Etzan ez ustela,
Bañan arkitzen zuben
Tripa txit motela;
Nolapaikua bazan
Ark zuben sabela
Sekulan betetze etzan
Nai zuben bezela.
5
Orrengatikan beti
Batistaren ustez
Biartziran munduban
Gauzak izan gañez;
Zer nai jan erateko
Beti zegon pozez,
Apetitu galanta
Bañan dirurik ez.
6
Diru pilla biltzeko
Zuben Amerikan
Bere burua jarri
Gogoraturikan
Nolaten etorri zan
Beste bat andikan
Nekazari juan eta
Aberasturikan.
7
Eta gure Batista
Ara juan ezkero
Gogotik lan egiñaz
Etzan bizi ero,
Dirua gorderikan
Zintzo bai astero
Pozturik izateko
Noizpait «kaballero.»
8
Bañan kupidik gabe
Jardunik lanian
Altzuben diru pilla
Sortu bitartian,
Gaizki jan, gaizki lo ta
Ler egiñi nayian,
Makaldurik jarri zan
Mintsuben antzian.
9
Kapelu aundiekiñ
Baina sarren ordez
Apaiñ-apaiñ jantzita
Biurtu zan pozez,
Etorririk errira
Beterikan urrez,
Zer nai jateko, bañan
Apetiturik ez.
10
Ogei urte geiago
T'elbarritasuna
Batistak ikusirik
Du bere jarduna:
¿Oraiñ zertako diat
Aberastasuna?
Naiago nikek ¡ai! len
Nuben osasuna.
|