Arrosako chedeak

Sorhouet, Maurice (M.S.)

 1

 Eskualdunak lot gaitezen

 Baitezpadako sailari,

 Sortzean ukhan ditugun

 Onthasunen zeintzeari:

 Gure mintzai paregabea

 Senda dadin, baita eri,

 Horren sendatzaile hor dugu

 Beharrik jaun Labeguerie!

 2

 Arrosan guk, Eskualtzalek

 Egin dugu aurthen biltzar;

 Senda zaiten, ama ona,

 Eta gut'artean azkar:

 Zure amodioa sustengu,

 Lagunduko dugu elgar,

 Sekulakotz bil dezazun zuk

 Osagarri eta indar!

 3

 Lothuak egonez denak

 Arbasoen ohidurer,

 Pilota jokoa eta

 Dantzak erakutsiz gazter,

 Pertsutako gostua guziz

 Har araziz gure haurrer,

 Buru eginen dugu bethi

 Eskual Amaren etsaier.

 4

 Obra dadin aspaldian

 Gutaz dabilaten fama,

 Eskualdunak eskuz esku

 Lan berari gaiten berma:

 Gudu hortan Ama Eskuara

 Izanen da gure harma,

 Eskual-herriaz egin dezagun

 Gure lehen erresuma.