Ahuchkiko ura

Sorhouet, Maurice (M.S.)

 1

 Adina-juhan eta tontotzen gorphutza:

 Urtheko nekhadurak senditurik untsa.

 Hola lanian artzeaz nintzelakotz lotsa,

 Ahuchkin egina dut bi astez egoitza.

 2

 Ibiltzen diren lauek berri onak emanik

 Urthe guziez heiek jinez gazteturik,

 Ene, familia eta, lan guziak utzirik,

 Esperantzaz bethia partitu etchetik.

 3

 Hunat helduz geroztik, bada segur lagun,

 Izana gatik auzo guzietarik urrun:

 Gabriella frikuan, Maritchu zerbitzun,

 Egun hoberik ez da iragaiten nihun.

 4

 Ene lagun bat ona, Hazpandar apheza,

 Chuberoko gain huntan ni bezein manecha...

 Chechiliren kaperan eman-eta meza,

 Ithurrirat goazi garbitzerat bertza.

 5

 Jadanik ezagun da ur hotch hunen lana:

 Basoz edaten dugu berdin hogoi bat-na;

 Barnea ezartzen du garbiturik dena:

 Ez da ttipituz juanen ur horren omena!

 6

 Atzo ethorri zauku jaun lerden ederra,

 Ofizioz mediku, bera Ortestarra...

 Ithurrian egin dauku guzier aithorra,

 Aspaldian bazuela ur hunen beharra.

 7

 Hogoi bat urthe huntan medikuntzan ari.

 Eriak igortzen tu botikariueri.

 Bainan bera senditzen delarikan eri,

 Bisita bat eiten du bethi Ahuchkiri.

 8

 Akhabatzen dut orai emanez abisu:

 Mediku abil huntan har denek etsenplu:

 Zerbeit ez dela juhan delarik senditu,

 Ahuchkirat jiteko ukhan aski zentzu!