Artzaina eta artzaintsa
Senpereko kahier batetik
Gizonak
Zato hunat, zato, antxu ederra!
Zato fite ene korralera!
Otsoak ez dira
Ethortzen hunara!
Hemen segur zira
Bizitziaz gostura:
Begi xarmant hoitarik xuka nigarra!
EMAZTEAK
Laket nuke segur atherbe hortan,
Aro txarra delarik kanpoan!
Bainan nik gogoan
Ez dakit zer dudan,
Bethi erdi-dudan,
Kasik beldurrean,
Lanjer ez othe denetz berdin barnean?
GIZONAK
Zeren beldur othe zira enekin
Eta horko bi athe-zainekin?
Bi zakur hoiekin
Ez beldur jin dadin
Ohoin, ez gaixtagin,
Ez azti, ez sorgin...
Zure begiratzeaz dugu atsegin!
EMAZTEAK
Buruz buru korralean bi gazte!
Fama txarrak eginen dauzkute.
Badugu bertute,
Girixtino fede,
Orenako xede,
Ausarki nik uste...
Bainan elgar ez dugun sobraxko maite?
GIZONAK
Orhoit, othoi, zu zirela ethorri,
Dena nigar, atherbe-ketari.
Nik ongi-ethorri
Egin dautzut zuri
Zuk orai beltzuri...
Ez baduzu nahi,
Jin-bidez lekutara zaite itzuli!
EMAZTEAK
Etzitela hola samur, gizona!
Egia da, ni naiz hobenduna:
Galdurik laguna,
Eneguak jana,
Oihanean barna
Jin naiz zure gana,
Hementxe kausi ustez sokorri ona.
GIZONAK
Eta orai hor zaude damuturik,
Alharzean, begia trixterik...
Ez izan beldurik
Ez dautzut kalterik,
Ez behar ez denik
Nehoiz eginen nik;
Errespetuz nagozu oso-osorik.
EMAZTEAK
Ikhusten dut xintxo hutsa zirela:
Nork ez maitha hain gizon leiala?
Agian girela
Eskuz-esku hola
Joanen elizala
Ezkongai bezala...
Anartean banoa en'etxolala.