Bertso-txirbil

Sarasola, Pas

 Zurgin bertsolari

 Baxurko zenari...

 Mendaro-Mutriku'tik egarin,

 itxas-ertzeko txoriño pinpin,

 iges doa urrun,

 Bidasoa'runtz...

 ta Jaizkibel'pean kabi egin.

 Guadalupe-magalean zun

 seaskaratzen amak lo-kunkun...

 "Purgatorio"

 bordatxon jaio;

 ta bizi Ondarribi ta Urantzu'n.

 Erri-koblari zaigu ageri,

 Bidaso-mugan anai-lokarri,

 bataz-bestekoz

 -euskal-aidegoz-

 estu lotzeko elkar-uztarri.

 Xirri-xarraka zura-muin-mamin

 zerralloak lan irin eta irin;

 zerrauts-errota,

 auts-jarioka,

 zirimol-elur pirpir idurin.

 Trintxa, maillu ta aitzur-trabesa.

 zepillu, zur-gabi, ginbeleta...

 zurgiñak beti

 urbil dabilzki,

 txirbil kixkurrak jalkiz gurpilka.

 Koblariak be barne-tolare

 neurtitz-jario aterri-gabe...

 Euskal-biotzak

 puntu-ardoaz

 bertso oilan atsegin-mozkor dute.

 Txirbil kizkurraz bat zerrauts-irin;

 (bertso-txirbil da puntu-doiñu-irin)

 tolare-errota

 bertso-lantoka,

 eusko-baitan oretuz atsegin.

 Koblari ta arotz: zurgin koblari...

 maillu-ots-neurriz bertso-kantari:

 maillu-soiñua,

 bertso-doiñua

 txandaz ta nas-mas josiz elkarri.

 Neurtitz-ardatzan, -bertso-irulari-,

 aril dituzu JESUS ta IÑAKI...

 Bi-bion artz

 uztartu bediz

 fede l'Euskera betikoz ertsi.

 Agur, Baxurko!, zure doiñua

 zure bertsoen eres-soiñua,

 itzali zaigu,

 lurrean galdu:

 gaurgero iñarros koplaz zerua...