|
Belen-jaia amets!
Sarasola, Pas
Baxurko bertsolari zenari
oroit goratzarrez...
Gabon gabez,
ortzi sapaiak
izarrez...
Illundi beltzak
dena mendean;
jai, illunzaleak
gau sabelean...
Ta ustegabez
goiak poz, berri
on batez...
Goietan Aingeruak ots:
"Aintza zeruan; lurrean poz!"
Lurtarrontzat jaiak datoz...
Gizon aulok jainkotzera
aurtxo iduri Jainko barbera
zerutik dugu lurrera.
Gabonez Gotzon-saillak dei:
"Aintza goian; lurrean poz bei!"
Zeru ta lurrak gaur eztei...
Baxurko'nean be dei-ots:
"Bertsoz ta arotz-tresnaz goian poz
dukezu, ta gukin zatoz!"
Belen jaia
zuk amets irrits izaki,
ta zeru-miņez,
goi -"turroi"- galez,
Jesus'en maira
Erio bidez,
deitu zaute gaur
koblari legez...
Ta Gabon-aingeruaz bat,
Jon bertsolaria zerurat...
gaurgero or kabi duke ark...
Mintzo zadi
beti or bertso
kantari;
"ekin, iarrai!"
zerutar denen
pozgarri...
Euskerak baiņa,
"min du, min etsi"
negar ots darion miņa.
Aita on zindun,
gaur Belen Aurra
jaio garaiz aldegiņa. (Lizardi'rena gogoan)
bestean darrai...
Gure Euskalerri argatik
samiņez duzu zuganik,
ezbait entzungo
zerura arteiņo
geroz zure oiartzunik.
"Ibilkari Bikain" zaugu,
lur-bide barna nun zeru...
zeru-izar-mugan
burutu duzu
zure urratsen goi elburu.
"JESUS" ta "IŅAZIO" gora
dituzu bertso araura:
"erri koblari"
kimu berria
zuregan zitzaigun lora.
Neurtitzon izpi goriak,
"JESUS" ta "IŅAKI"-n argiak
"garo-usaiz"... fedez,
lengotu bitza
euskal-sukalde sendiak.
Neurtitz oien gar-jario
ez da ilko, ez, orratio;
geroak ere
bertso xort orri
txalo-zart joko baidio.
Ezazu pake, zorion,
betikoz otsegin-altzon;
t'eska Jaunari
lan-giro oberik
gure Euskerari demaion.
|
