...Atso txarraren kuziña

 1

 Bertso berriyak jartzera nua

 Nerekiñ andriarentzat,

 Emazte aula idukitu det

 Txit emakume abiltzat;

 Ta orain berriz engañatu ta

 Galdu nauela deritzat,

 Kana bat neri jarri dit baño

 Beste bat dauka beretzat.

 2

 Labore gutxi daukat etxian

 Eta auzuan jakiya,

 Nekazaritzat bizi naiz baña

 Estomagotik flakiya;

 Kontrabandorik izan ezkero

 Txamarran badet tokia

 Nik dadukadan bizi mbdua

 Oso da penagarriya.

 3

 Andria daukat mediku eta

 Baita ere botikariyo,

 Nere gaitzari beti dieta

 Agindu izandu diyo;

 Lepua metu, ijara seyo

 Atzetik galtzak jariyo,

 Negu gogorrik egiten badu

 Laster mundutik adiko.

 4

 Len bajatuba bildurrez nago

 Zeren gatzen duan utzik,

 Endemas ere egiten badu

 Elurrik edo izotzik;

 Goizian berak guldu biar nau

 Naiz ez izan beste gauzik,

 Lanikan asko izan biar det

 Aditzen kukuben otsik.

 5

 Gosaldutzeko ez det izaten

 Txanpon biren baliyua,

 Jeneralian porru salda ta

 Sudurretik oliyua,

 Ogi sopa bi, talo puska bat

 Goizeko alibiyua

 Lanera biskor biraldutzen du

 Agure enbaliyua.

 6

 Oliyo gabe baba jartzen dit

 Eguardirako kuziña,

 Artua gutxi, urdaya falta

 Eta auzuan zeziña,

 Mokadurikan gustokorik ez

 Eta txarrik jan eziña

 Andria ala ipiñi balitz

 Ill biar zuen antziña.

 7

 Arratzerako egiten zaizkit

 Afaldutzeko goguak

 Deseo utsez artutzen ditut

 Sopa ona ta traguak;

 Dijiritzeko indarra gutxi

 Daduka estomagubak

 Ori esanda ariñ usten nau

 Mantenu nazala luak.

 8

 Belarren udaz ematen dizkit

 Libratutzeko kañuak

 Dieta orri beti segitu

 Gauetan noiz bañuak;

 Ala sendatzen dirala diyo

 Odol galduen dañuak

 Engañatzeko egiten dizkit

 Amoriyozko siñuak.

 9

 Atsuak beti enkargatzen nau

 Tabernan ez sartutzeko

 Ardorik eta aguardentarik

 Sekulan ez probatzeko;

 Benenuaren gisa detala

 Edaten badatzeko,

 Bildur aundiya emana nauka

 Kuidadoz ibillitzeko.

 10

 Eta gañera enkargatzen nau

 Goizetan goiz jaikitzeko,

 Odolak nagi daduzkadalata

 Eta ayek korritzeko;

 Geldi egona kalle dedala

 Lanian izerditzeko,

 Erremediko oyek daduzka

 Gizona saniatzeko.

 11

 Andria bera gaitz bera dabill

 Aiziak du persegitzen

 Seme bat izan zuan ezkero

 Ala dizkiyot aditzen;

 Apenas duen nik bezelako

 Dietarikan segitzen,

 Enfermedade bana daukagu

 Alaxen zait iruditzen.

 12

 Aguardinta gustatzen zayo

 Aiziak asentatzeko,

 Txokolatia berriz gañian

 Barrunbia tenplatzeko,

 Ogi ta ardo eta aragi

 Sabela kontentatzeko,

 Estomagua bero darabill

 Ajiak menderatzeko.

 13

 Arraultz freskuak, arrai gozuak,

 Urdaye txorisuak,

 Oyen gañera gustatzen zaizka

 Erarik baliosuak;

 Esponja ere udarekin on

 Eri dauden gaxuak,

 Dietarekin ni bialdu ta

 Billatzen zetik atsuak.

 14

 Atsuak ongi kuratutzen du

 Estomaguko aizia,

 Argatik dauka gilbor galanta

 gizonak lepo luzia;

 Orrek gauz onez sabela bete

 Neretzat beti gosia,

 Aspalditxoko denbora det nik

 Modu onetan pasia.

 15

 Amabost garren bertsuan orra

 Nola nabillen jakiña,

 Pentsa zazute nolakua dan

 Atso txarraren kuziña;

 Zurruta franko berak egin da

 Neri sufritu eziña,

 Orrelakorik etzan pasako

 Formala izan baziña.