Mundutik at

Santisteban, Karlos

 Utz nazak, arren, baketan

 gezurrezko hitz arina;

 naramaten, betiko, haizeek

 dagokidan hildotik bizia.

 Askotan, bai, entzuna diat

 hire ahoan toleskeria;

 guttitan, ordez, ikusi haut

 baieztatzen elekeria.

 Utz nazaten nire txokoan

 zynismoaren mozorroek;

 neure burua bakartzea

 nahiago baitut

 zynismopean irautea baino.

 Mundutik at zertuko dizkiat

 neure baitaren aiherrak;

 neure kabuz dena egingo

 ixilik bakartatean.

 (Baina lur-gainean

 gauden artean,

 oraina dugu

 hurrengo xedea...)