Oinetakoak

Salaberry, Etienne Joseph (So Egilea)

 1

 Sukaldeko chiminia pean,

 Torra-torra, ongi garbiturik,

 Thu eta zira nahas, mireila beltz iduri,

 Eskulla-ukaldika ezarririk,

 Haurrek eman dituzte oinetakoak,

 Lerro-lerro, supazter choko aintzinean,

 Kokatu dituzte,

 Gaur baita Eguberri,

 Gaur baita Egun-haundia.

 Suaren asteko pindarrak geldituak ditazke

 Ageri ez diren urhezko izar birbira,

 Kheder muturskila zilhoetan.

 Aitak oihanetik ekarri abar-trunkoa ari da erretzen,

 ari da desegiten, ari da suntsitzen,

 Matela barnetik gorri, hautsez kanpotik churi.

 Aspaldiko untzi-tegiak jalgia du,

 Etcheko-anderearen eskuak emanik daukan

 Fereka gochoa.

 Gaur dugu Eguberri,

 Gaur zaukigu Jesus sortzen.

 Ama, Jesus Jaunak Eguberri-kari aintzinetik igorri

 ordaina,

 Ichilka dabila, jostagailuak zarean.

 Beha daude, beha barrandan,

 Haurraren oinetakoak.

 2

 Hamabi ukaldi jo ditu, herriko ezkila, arrabots

 haundiak.

 Solasa hasi du zeruaren eta lurraren artean.

 Sei ukaldi eman ditu, eta gero berriz sei.

 Sei, zerua ideki baita, barkamenduaren iturri,

 Sei, lurrak altzoa zabaldu baitu urrikalmendua

 alha bihotzean.

 Sei zeruarendako, Jesus Jauna baitaukigu igortzen;

 Sei lurrarentzat, galdeka, othoizka ari baiginen,

 belhauna erhautsean.

 Jeus, zeru-lurren egilea,

 Nagusia,

 Jesus, amodio, haragi egina,

 Haurra,

 Zuri eskaintzen ditugu, dazkigun kantu pollitenak,

 Harri arteko ur chirriparekin,

 Mendiko haize oiesarekin,

 Urcho zintzur duketen aingeruekin.

 Egin ahala garbi ezarririk, bekatuak funditu gure

 arimak zuri daude:

 Gutiz ez utz, Jauna.

 Beha daude barrandan, hala nola supazter-ondoko

 Haurraren oinekoak.

 3

 Badugu bertze arrangurarik, Jauna, zuri salhatzeko.

 Eskual-Herria, ez da Eskual-Herrian.

 Eskualdunak barreatuak dira mundu zoko guzietan.

 Bizi beharrak, bainan ere zuk eman daukiguzun

 jite beroak,

 Eraman ditu, mendebalak primaderako hosto fer-

 deak bezela, burrustan.

 Mundu biribila, Eskual-Herria.

 Urratu Eskual-Herria, mundua.

 Jauna, ez zaitzuia ahantz zure haur Eskualdunak.

 Mando zaharra bezain ichil badago ere, burua edo

 goiti furfurian, edo beheiti lehertuaren-leher-

 tuan,

 Beha zakozu.

 Haren gibeletik othoitzean ari zitzaizkizu burha-

 soak, eta parretik, lehengo lagunak,

 Othoitzean ari zaitzu Eskual-Herria.

 Barka Jelosia ergela,

 Barka urgulu kechua.

 Barks tema herratsua.

 Jauts zite, fedetik hustu

 Bihotzerat.

 Ez dute uste, bainan haiduru dagotzi, ichkuiliak edo

 kakolan.

 Ez dira berantetsiago, Eguberri arratsean,

 Haurren oinekoak.