Ixil-ixillik
Satarka
Ixil-ixillik egon
Zaitez, txantxangorria...
¡Oi, zeñen ituna dan
Gaur zure abestia!
Neska polita, miñez,
Arkitzen da oiean,
Ta-illunduko da zure
Txio-txio-entzutean.
¿Zergatik abesten ez
Dezu udaste ederrean,
Mendi, zelai, baratzak,
Apain dagoztenean?...
Loreak iltzen dira,
Ta zuk abesten dezu
¡Au naigabea... udazken
Txarra gañean degu!
....................................
Ixil-ixillik egon
Zaitez, txantxangorria...
Loreakin il da-ta
¡Nere uxo maitatia!...
|