Soldaduen bizimodua 1896 urtian jarriak

 1

 Berso berri batzuek

 bear ditut jarri,

 nere lagun guztien

 entretenigarri;

 inozente soldado

 ninduen esarri,

 iru urteko fetxa

 dirate esarri.

 2

 Anparatu eske nator

 zeruko Erregiña,

 Jesus onaren Ama

 Maria Birjiña;

 zure laguntzaz egiñ

 naidet alegiña,

 esplikatutzen gure

 bizitza samiña.

 3

 Donostia onetan

 suertak tiratu,

 batzuek kastigu ta

 bestiak libratu,

 neretzat numerua

 bajua tokatu;

 Burgosko Artillerian

 naute entregatu.

 4

 Milla zortziregun da

 larogeita amaseyian

 Burgos'en allegatu

 Mayatzaren biyan;

 soldadutza zer zanik.

 asko eznekiyan;

 orañ asi da sartzen

 nere memoriyan.

 5

 Etxetik urten nuan

 ustez baliente,

 aurretikan jarriya

 guztiz korriente;

 guraso triste askok

 negar egin dute

 kinto ditxosoko au

 dala mediante.

 6

 Nere lagurrak jarri

 zaitezte aditzen,

 soldadu etorri ta

 zer moduz gabiltzen;

 alde guztietatik

 beti padezitzen,

 emen erakutsiko

 digute bizitzen.

 7

 Oraiñ iru illabete

 etxetikan urten,

 geroztik emen nabill

 patatia jaten;

 Jaungoikuak osasuna

 badigu ematen,

 etorriko algera

 alakoren baten.

 8

 Esplikatuko ditut

 nere notiziak,

 osasuna daukagu

 Jaunari graziak,

 egunak eta gaubak

 dijuaz luziak

 nolabait pasatuko

 aldira guztiak.

 9

 Kuartetian sartuta

 lenengo gabian,

 barrutikan ez neuen

 sosegu onian;

 ni ikaratu nitzan

 beiñepeiñean,

 orko Dioska otsa

 entzun nuanian.

 10

 Paraje onetara

 giñanian sartu,

 izen da apelliduak

 zizkiguten artu;

 gero mediku batek

 errekonozitu,

 ez gerade inutil

 ontzan eman gaitu.

 11

 Kuarto baten sarturik

 mediko ta guzi,

 lendabiziko lana

 erropak erantzi;

 kontu kuriosuak

 biar ziran ikusi.

 jayo giñan bezela

 or gaituzte utzi.

 12

 Bostetan lenbiziko

 mularen pentsua,

 animali jenero

 umil da mantsua;

 gero bederatzietan

 gure arrantxua,

 patata baba zuri

 eta garbantzua.

 13

 Arrantxu onduan da

 linpieza jotzen,

 orduan kuadrara

 gaituzte bajatzen:

 egunero onela

 gerade jardutzen,

 mularik ezpadegu

 zaldiya garbitzen.

 14

 Diana jo ta lista,

 ondoren sopia,

 bera jan arte falta

 sarritan bakia;

 azkar ez dabillenari

 trallazo golpia,

 auxen da miserable

 bizi izalia.

 15

 Kintuaren bizitza

 da penagarria,

 errebista daukagu

 ikaragarria;

 Jaboia ta betuna

 jostorratz ta aria

 justo ez daduzkanak

 istillu gorria.

 16

 Mendean daukatena

 jotzen dute pozik,

 nai izan arren etzin

 kontestatu itzik,

 billatzen badigute

 zikiñaren antzik,

 ez digute largatzen

 bizkarreko otzik.

 17

 Lapurretan jendia

 al da ikasitzen,

 bestien ejenpluari

 diogu segitzen;

 eta onian ezer

 bada ikusitzen,

 pekatu egiñ bildurrez

 etzayo utzitzen.

 18

 Iñundik errentarik

 ez da guretzako,

 emendik paga txikik

 sokorritutzeko;

 etxera abisatzen det

 piska bialtzeko,

 an ere borondate

 gutxi neretzako.

 19

 Diruaren eskia

 nik abisatuta

 ama asarratzen da

 aita zapuztuta,

 ala esaten dute

 biak juntatuta

 lenago asko utzi

 alzun sobratuta?

 20

 Gure bizi moduaz

 erruki zaitezte,

 arro bagiñan ere

 bajatu gaituzte,

 igualtxu gabiltza

 igande eta aste,

 mingañez alegre eta

 biotzetik triste.

 21

 Konsuelo edo pozik

 eztaukagu emen,

 Maria Santisima

 kupi zaitez arren;

 paraje ortatik libra

 gaitzatzu lenbailen,

 ala gerta dedilla

 Biba Jesus, amen.