Soldado baten kantuak
1
Adios, Getharia! Adios, Bidarte!
Ni ere izatu naiz gazte eta libre.
Itsas handia ere pasatu dut parte:
Sebastopol-en kontra gerlan ari gare.
2
Mila zortzi ehun ta berroi-hamabortza:
Sebastopolen dorrea oi zoinen den gora!
Napoleon erregek eman dauku hitza:
«Barbaro hoien kontra ez dezagun falta!»
3
Badu zonbait denbora gerla han hasirik,
Noiz akabatuko den nihork ez baitaki.
Orai zinez mintzo naiz ama maiteari
Nere esperantzetan ez egin oihalik.
4
Primaderan zoin eder arbolen loria:
Jakin dezaten ongi hemengo berria...
Niger eginen dute zonbaitek Frantzian:
Nonbre gabe galtzen da gizona Rusian.
5
Oi barbaro trixtia, ez hakien bade
Frantziako errege Napoleon zela,
Gerlarik nihorekin nahi ez duena...
Hihaunik bortxatu duk harmada diela.
6
Adios, Eskual-herri hanbat maitatua!
Hemen nagok hitarik bortxaz urrundua.
Hire orhoitzapena ez diat galdua
Aita-amekin diet ardura gogua.