Seaskaren Kanboko etxe-sartzea
Ezponda
Denbora txarra daukagu bainan egon gaiten alegera
Harri horretxen tindatzailea egun ditake minbera
Gomita bat nik egiten daitzut gizona balinbazera
Nai duzunean etorri zaite etxe hunen tindatzera.
Alkat
Agur lagunak, agur Seaska, bai eta agur Xalbador
Zuer eskerrak gaur esperantza zuen alderat ainitz zor
Esker beroak zuer guzier ditzagula egun aitor
Irakaskuntza izan dadila harria bezain iraunkor
M. Xalbador
Eni bihotzak zuen alderat egiten dauzkit galdeak
Ez dira kalte egin beharrez nik dakarzkitan xedeak
Horra zer tutan egin gogoetak, hauk ditut eginbideak
Bihotz guziaz ongi etorri Seaskain adixkideak.
Ezponda
Seaskak orai artean ere horrenbeste lan egin du
Et'azkenean aterbe hauxe bere eskutara bildu
Hizkuntza maite dugun guziek behar ditugu lagundu
Euskal-Herrian sortu ginen-ta Euskarak bizi behar du
Alkat
Pentze batean sortu zen eta etorria da honentza
Ta pentze hartan norbeit pasa zen, xakurra edo ahuntza
Harria gorriz tindatzekotan izana du bere funtsa
Euskal odolak piztu ditzala Herria eta Hizkuntza
M. Xalbador
Etsaiak beti baditugu-ta jokatzen zaizkigu gogor
Bainan gaizkia egin-ta ezin beren izenekin aitor
Erakaspen bat gu guzientzat ederra badaukagu hor
Etsaiak nonbait badauzkaguno ez dugu emanen amor
Ezponda
Zertako gaituzte gu etsaiak, ez dugu eiten gaizkirik
Bakarrik gure Hizkuntza hori gorde nai dugu bizirik
Zer du gaixtoak bere tindua gaur harri hortan utzirik
Hoi egin duenak neretzat ez du kontzientzia izpirik
Alkat
Ez duke bada arras prestua kontzientzi ta sabela
Dohakabe bat ditaike hura, trixtea edo ergela
Ikastegi hau guzien gatik xutik baitago horrela
Ta gure kontra dagotzin denak, denak izorra ditela
M. Xalbador
Delak'etsaia bizirik bada nunbeit gostura ez daike
Ta hartaz dugun solasaldi hau buka dadin naiko nuke
Guk harri hortaz nehori ere ez diogu egin kalte
Gure Herria eta Hizkuntza ditugu bakarrik maite
Ezponda
Gauzak ez dira errex izaiten egia dezagun aitor
Bainan hizkuntza huni ditugu gure eginbideak zor
Etxea eta harria ere gaur emanik badaude hor
Eta segur naiz guri begira cela zerutik Xalbador
Alkat
Hainbat borroka orai artean, hainbat kezka ta kasaila
Etxe hontara egun biltzea ainitzentzat bait zen zaila
Eskerrak beraz guzier-eta aurrera segitu saila
Gora Euskara, gora Seaska, ta gora bigarren maila
M. Xalbador
Bigarren mailak merezi du-ta, bai errekesta handia
Hura aipatuz denbora batez ez zuen iduri egia
Bainan sortu da eta biziko ikusten dugu argia
Hortaz entzun nai nuke president jaun denaren mintzaldia.