Sastrea edo jostuna
1
Sastre baten bizia hasten naiz kantatzen
Goizik ikasi zuen kireski sofritzen!
Errepika
Orratza dir, dir
jostunen eskuetan
orratza xorrotx
sistatzen duenean...
2
Ezkontzeko xedetan lagun baten bila
Gauaz denbora batez amoros dabila
3
Laster here maitea nunbait kausiturik,
Engoitik hura dauka gogoan bakarrik.
4
Arats batez heldu da Domingoenean;
Ama xoilik iruten ari da etxean.
5
- Sar zaite, sar, gaztea zato su-ondora.
- Milesker, ez nau suak ekartzen hunara.
6
Zuen primaz heldu naiz, ea bihotz onez
Ezkonkide emanen derautazuenetz.
7
- Ene alaba ez da sastre batendako,
Laborari seme bat hobeki doako.
8
Laborariak badu lur eta ontasun,
Bizi on, aire garbi, bai eta osasun!
9
Sastrea jalgitzen da bihotza tristerik,
Orratza dela kausa maitea galdurik!
10
Alta zen eskualdeko neska pollitena
Urrezko ileduna, lilizko ezpaina...
11
Ezkontzeko ametsa histu denaz geroz
Nigarretan daduzka begi eta bihotz
Errepika
Orratza dir, dir
jostunen eskuetan,
orratza xorrotx
sistatzen duenean.