Museko xapelgotik landa
P.M. Iholdiarra
1
Zonbait lerroren bidez nahi naiz mintzatu
Museko xapelgoa beliar dut aipatu
Azkaingo herrian da aurtengo pasatu
Iholdi ona bainan Bastida nausitu.
2
Bastidak airez aire ereman du mantxa
Iholdirentzat ez da partida erretxa
Idurikatu dute itzul zadin xantza
Berdindurik mantxetan fin da esperantza.
3
Oren bat badu segur hasiak direla
Orok irabaztea ezin zitaikela
Lauen zainak engoitik nola ziren nola?
Denak buru-has eta norentzat xapela?
4
Ondar mantxa bazoan, zonbat inportanta
Elgar ongi beliatuz eta ainitz arta
Ttanttoak konda eta beti znbait falta
Karter behatu ordu hordago bat kanta.
5
Pentsatzeko aise da zonbaiten plazerra
Kartak itzuli eta mahaina gainera
Bertzerik ezin eta haizu da gezurra
Jaunak barka dezala ta eman zerura.
6
Galtzalen pena zer den nork ez diro pentsa
Bi ttanttoren eskasez airatu amentsa
Frantziko xapelgoan huna akabantza
Xapelaren ordaintzat bego bonet beltza.
7
Plazerrekin egin tut zuentzat bi lerro
Jauregiberry seme eta zu Mailharro
Sustengatu ondoan iholdiarrek oro
Ondar zazue denen eskuzarta bero.
8
Joko ederra dago musa beti danik
Nor nahi ar ditake, hor ez da adinik
Aurten iholdiarrak hain urrun joanik
Bertz'urteko ditazke xapela emanik.
9
Huntan utzi behar dut oz nahiz luzatu
Holako balentria behar zen aitortu
Begi onez ditezen hitz liok irakurtu
Eta musa laudatuz egin dadin kantu.