Herriko berriak
P.I.
1
Kasetaren medioz, igortzen berriak
Entzunak oro ditu, kantatzen xoriak
Gora ebehera frango, ukanen herriak.
Sei urteren bakeak, ditu bihurriak.
2
Ilunpean zaudenak, gaur iratzarturik
Argipean ikusten, ez de ez dudarik
Gazteak adin alde, egon hor loturik
Kolpez eginen naski,hasiak segurik.
3
Bada hemen zer egin, agerian dira
Herriko-etxe eta xehatu baitira
Haize basa ibili, itzulika-bira
Kordakatuz teilatu, egon naiz begira.
4
Lanjera ken lehenik, hori lehen baita
Auzapezak erran du, alki Ulan eta
Gero laster aterbe, dugun orok kanta
Esker mila zueri, harturik gaur arta.
5
Ez gira ez hain gaizki, bainan nahi ongi
Ura nasaiki eta, dirurekin ogi
Denetan zerbait bada, hori segur egi
Itsua jali egun, ikusiz gaur argi.
6
Ez naiz oraino itsu, Goikori eskerrak
Hobeki ikusteko, galdatzen indarrak
Zure laguntza gabe, hilak herritarrak
Otoi, Jainko bakarra, susta makearrak.
7
Zazpigarren pertsua, herriko laguner
Hiruek bat egiten, helaraz gaur dener
Horri xekatu dugu, guri lehen plazer
Gora Makea eta biba Makearrer.
8
Ez ditake ez asma, zer dutan entzuna
Nere auzo direnek, baitute errana
Pasatu balitz egun, atzo lehen zena
Ez zuela ukanen, galdatu duena.
9
Beraz kanpo behar da, zerbait ukaiteko
Molde berria hori, laster adituko
Joka beraz gogotik, ez da samurtuko
Lan bera segiturik, zaitu lagunduko.
10
Laguntza beti on da, aintzin eta gero
Denek parte hartzeko, igortzen bi lerro
Herria bizi dela, egin oihu, haro
Eskuz-esku emanez, beti azkar erro.
11
Pariseko jaunttoak, zer duten beldurra
Estraņerak loturik, ikasten euskara
Klarki beraz ageri, zuk duzun su-garra
Nolaz ez guk erakuts haurreri mintzaira!
12
Ortzirale oroz dut, kaseta erosten
Hoi irakurturik guk, euskara ikasten
Plazako ostatuan, aise hatxemaiten
Esker bero bat zuri, ez gaitu ahanzten.
13
Otoi anai xumeak, euskaldun direnak
Herriko seme eta, alaba maiteak
Kaseta irakurtuz, lagun herritarrak
Beste mintzairarekin, susta xede onak.
14
Otoitz, kanta ederrak entzun telebixtan
Euskal-Herri osoa, baitzen lorietan
Euskadiko Eliza, aipatu denetan
Donibanen bezala, nihun ez holetan.
15
Eskerrak zor ditugu, Euskaldun Artzainer
Herriko apez eta, gure kantarier
Errepikan kantatuz, Eliza bihotzer
Denek sendi dezaten, kanta zoin den eder.
